მთავარი › გამოყენების წესები

გამოყენების წესები და პირობები

ვერსია: 2026-10-26. ეს წესები და პირობები (შემდგომში — „პირობები“) არეგულირებს ვებგვერდის balistika.ge და მასთან დაკავშირებული სერვისების (შემდგომში — „საიტი“) გამოყენებას. საიტის გამოყენებით, რეგისტრაციით ან თანხმობის ველების მონიშვნით, შენ (შემდგომში — „მომხმარებელი“) ადასტურებ, რომ წაიკითხე, გაიგე და უპირობოდ ეთანხმები ამ პირობებს. თუ არ ეთანხმები — არ გამოიყენო საიტი.

1. საიტის არსი

1.1. საიტი არის საინფორმაციო და საგანმანათლებლო ბალისტიკური კალკულატორი, რომელიც ფიზიკური მოდელის საფუძველზე, მომხმარებლის მიერ შეყვანილი მონაცემებით (სიჩქარე, ბალისტიკური კოეფიციენტი, ოპტიკა, ამინდი და სხვ.) ითვლის ტყვიის სავარაუდო ტრაექტორიას.

1.2. საიტი არ ყიდის, არ გადასცემს, არ ინახავს და არ არეგულირებს იარაღს ან საბრძოლო მასალას; არ გასცემს ნებართვას იარაღის ფლობაზე, ტარებაზე, სროლაზე ან ნადირობაზე და არ წარმოადგენს სასწავლო კურსს, ინსტრუქტაჟს ან იურიდიულ კონსულტაციას.

1.3. გამოთვლის შედეგები საორიენტაციოა და შეიძლება განსხვავდებოდეს რეალობისგან (იარაღის, საბრძოლო მასალის, ოპტიკისა და ამინდის ცვალებადობა, შეყვანის შეცდომა, პროგრამული ცდომილება). მომხმარებელი ვალდებულია, ნებისმიერი შედეგი გადაამოწმოს რეალური სროლით, უსაფრთხო, კანონით ნებადართულ სასროლეთზე.

2. ვინ შეიძლება გამოიყენოს საიტი

2.1. საიტით სარგებლობა შეუძლია მხოლოდ 18 წლის ან უფროს სრულად ქმედუნარიან პირს.

2.2. მომხმარებელი ადასტურებს, რომ საქართველოს (ან იმ ქვეყნის, სადაც იმყოფება) კანონმდებლობის შესაბამისად აქვს უფლება, ფლობდეს და გამოიყენოს ის იარაღი, რომლისთვისაც იყენებს საიტს, და აქვს ყველა საჭირო ნებართვა/ლიცენზია.

3. კანონის დაცვა და აკრძალული გამოყენება

3.1. მომხმარებელი ვალდებულია, დაიცვას საქართველოს მოქმედი კანონმდებლობა, მათ შორის: „იარაღის შესახებ“ საქართველოს კანონი, საქართველოს სისხლის სამართლის კოდექსი, საქართველოს ადმინისტრაციულ სამართალდარღვევათა კოდექსი, „ცხოველთა სამყაროს შესახებ“ საქართველოს კანონი, „საქართველოს წითელი ნუსხისა და წითელი წიგნის შესახებ“ საქართველოს კანონი და ნადირობის წესები (სეზონები, ნებადართული ადგილები, სახეობები, ნებართვები, ლიმიტები).

3.2. კატეგორიულად აკრძალულია საიტის გამოყენება:

3.3. ასეთი გამოყენების აღმოჩენისას ოპერატორი უფლებამოსილია, გაფრთხილების გარეშე შეაჩეროს ან წაშალოს ანგარიში, ხოლო კანონით გათვალისწინებულ შემთხვევაში — ინფორმაცია მიაწოდოს სამართალდამცავ ორგანოებს.

4. უსაფრთხოების წესები

მომხმარებელი იღებს ვალდებულებას, ყოველთვის დაიცვას იარაღით უსაფრთხო მოპყრობის წესები:

  1. ყოველთვის ჩათვალე, რომ იარაღი დატენილია.
  2. ლულა არასდროს მიმართო იქით, რისი დაზიანებაც არ გსურს.
  3. თითი სასხლეტზე მხოლოდ მაშინ დადე, როცა დამიზნებული ხარ და სროლა გადაწყვიტე.
  4. ზუსტად იცოდე, რას ესვრი და რა არის სამიზნის უკან და გარშემო; არასდროს ისროლო ხმაზე, მოძრაობაზე ან ჩრდილზე.
  5. არ ისროლო მყარ, ბრტყელ ზედაპირზე ან წყალზე (რიკოშეტი).
  6. ისროლე მხოლოდ უსაფრთხო და კანონით ნებადართულ ადგილას; არასდროს — დასახლებულ პუნქტში, გზასთან, ადამიანების, შინაური ცხოველების ან შენობების მიმართულებით.
  7. არ აიღო იარაღი ალკოჰოლის, ნარკოტიკის ან დამათრობელი წამლის ზემოქმედების ქვეშ.
  8. გამოიყენე მხოლოდ შესაბამისი საბრძოლო მასალა; სროლამდე შეამოწმე, რომ ლულა თავისუფალია.
  9. ატარე დამცავი სათვალე და ყურსაცმი.
  10. იარაღი შეინახე დაუტენავად, ჩაკეტილად, ბავშვებისა და უცხო პირებისთვის მიუწვდომლად; საბრძოლო მასალა — ცალკე; გადაიტანე კანონის შესაბამისად.
  11. პნევმატური იარაღი სათამაშო არ არის — მას შეუძლია სერიოზული დაზიანება ან სიკვდილი გამოიწვიოს.
  12. ინადირე მხოლოდ მოქმედი ნებართვით და ეთიკურ მანძილზე, როცა სუფთა და ჰუმანური მონადირების სრული დარწმუნება გაქვს.

5. მომხმარებლის პასუხისმგებლობა

5.1. მომხმარებელი ერთპიროვნულად და სრულად არის პასუხისმგებელი თავის იარაღზე, მის შეძენაზე, შენახვაზე, ტარებაზე, გამოყენებაზე, ყოველ გასროლაზე და მის ნებისმიერ შედეგზე — მიუხედავად იმისა, ქმედება ჩადენილია განზრახ თუ გაუფრთხილებლობით.

5.2. სროლის, ნადირობის ან იარაღის ნებისმიერი სხვა გამოყენების შესახებ გადაწყვეტილებას იღებს მხოლოდ მომხმარებელი. საიტის ოპერატორი, შემქმნელი და მფლობელი არ არიან ასეთი ქმედების მონაწილეები, თანამონაწილეები, ორგანიზატორები ან წამქეზებლები.

5.3. საქართველოს სამოქალაქო კოდექსის შესაბამისად, სხვისთვის მართლსაწინააღმდეგოდ მიყენებულ ზიანზე პასუხს აგებს ზიანის მიმყენებელი. მომხმარებელი იღებს ვალდებულებას, აუნაზღაუროს საიტის ოპერატორს, შემქმნელს და მფლობელს ნებისმიერი ზიანი, ხარჯი (მათ შორის, იურიდიული მომსახურების ხარჯი) და მესამე პირის მოთხოვნა, რომელიც წარმოიშვა მომხმარებლის მიერ ამ პირობების ან კანონის დარღვევით, ან მისი იარაღის გამოყენებით.

5.4. ოპერატორი არ აკონტროლებს, არ ხელმძღვანელობს და არ იცის, სად, როდის, რა იარაღით და რა მიზნით იყენებს მომხმარებელი საიტს. საიტის გამოთვლები არის ზოგადი ფიზიკური (ბალისტიკური) ინფორმაცია, რომელიც საჯაროდ ხელმისაწვდომია სახელმძღვანელოებში, მწარმოებლების ცხრილებში და მსგავს პროგრამებში. ის თავისთავად არ იწვევს რაიმე ზიანს — ზიანი შეიძლება გამოიწვიოს მხოლოდ იმ პირის გადაწყვეტილებამ და ქმედებამ, რომელიც იარაღს იყენებს.

5.5. ოპერატორი არ აგებს პასუხს მესამე პირის (სხვა მომხმარებლის ან ნებისმიერი სხვა ადამიანის) ქმედებაზე, მათ შორის იმ შემთხვევაში, თუ ეს პირი აცხადებს, რომ საიტით ისარგებლა. საიტის გამოყენება არ წარმოშობს ოპერატორსა და მომხმარებელს შორის ერთობლივ საქმიანობას, დავალებას, შრომით ან სხვა ურთიერთობას, რომლის გამოც ოპერატორი მომხმარებლის ქმედებისთვის პასუხს აგებდა.

5.6. თუ მომხმარებლის ქმედების გამო ოპერატორის, შემქმნელის ან მფლობელის მიმართ დაიწყება რაიმე მოთხოვნა, საჩივარი, გამოძიება ან სასამართლო დავა, მომხმარებელი ვალდებულია, საკუთარი ხარჯით დაიცვას ისინი და სრულად აუნაზღაუროს ყველა ხარჯი და ზიანი, ამ პირობების 5.3 პუნქტის შესაბამისად.

6. პასუხისმგებლობის შეზღუდვა

6.1. საიტი მოწოდებულია „როგორც არის“ და „როგორც ხელმისაწვდომია“, ყოველგვარი გარანტიის გარეშე, მათ შორის — გამოთვლების სიზუსტის, უწყვეტი მუშაობის ან კონკრეტული მიზნისთვის ვარგისიანობის გარანტიის გარეშე.

6.2. საქართველოს კანონმდებლობით დაშვებულ მაქსიმალურ ფარგლებში, საიტის ოპერატორი, შემქმნელი და მფლობელი არ აგებენ პასუხს რაიმე პირდაპირ, არაპირდაპირ, შემთხვევით ან თანმდევ ზიანზე (მათ შორის, სიცოცხლისა და ჯანმრთელობის დაზიანებაზე, ქონებრივ ზიანზე, ცხოველის დაზიანებაზე, ჯარიმაზე ან სისხლისსამართლებრივ პასუხისმგებლობაზე), რომელიც გამოწვეულია საიტის გამოყენებით, გამოთვლის შედეგზე დაყრდნობით ან მომხმარებლის ქმედებით.

6.3. თუ, მიუხედავად ზემოთქმულისა, ოპერატორის პასუხისმგებლობა დადგინდება, იგი შემოიფარგლება იმ თანხით, რაც მომხმარებელმა საიტს გადაუხადა ზიანის გამომწვევ მოვლენამდე ბოლო 12 თვის განმავლობაში.

6.4. ამინდი, ქარი, რუკა და მდებარეობა მოდის მესამე მხარის სერვისებიდან და ტელეფონის სენსორებიდან (GPS, კომპასი, დახრის სენსორი), რომლებიც შეიძლება იყოს არაზუსტი, დაგვიანებული ან მიუწვდომელი. ოპერატორი მათ სიზუსტეზე პასუხს არ აგებს.

6.5. რუკის ფუნქცია „👥 უსაფრთხოება“ (ახლოს მყოფი მონადირეების ჩვენება) არის მხოლოდ დამხმარე ინფორმაცია. ის აჩვენებს მხოლოდ იმ პირებს, ვინც თავად ჩართო ეს ფუნქცია, და შეიძლება იყოს დაგვიანებული ან არაზუსტი. რუკაზე ადამიანის არჩვენება არ ნიშნავს, რომ ტერიტორიაზე ადამიანი არ არის. სროლამდე სამიზნე და მის უკან არსებული სივრცე ყოველთვის საკუთარი თვალით უნდა შეამოწმო.

6.6. ეს პირობები არ ზღუდავს მომხმარებლის იმ უფლებებს, რომელთა შეზღუდვაც საქართველოს კანონმდებლობით (მათ შორის მომხმარებლის უფლებების დაცვის კანონმდებლობით) დაუშვებელია.

7. ფასიანი პაკეტები, გადახდა და თანხის დაბრუნება

7.1. „სტანდარტი“ და „პრემიუმი“ პაკეტები არის ციფრული სერვისი, რომელიც ხსნის საიტის დამატებით ფუნქციებს არჩეული ვადით (1, 6 ან 12 თვე) — ზუსტი ვარიანტები ჩანს გადახდის ფანჯარაში. ფასები მითითებულია ლარში (₾), გადახდის ფანჯარაში ნაჩვენები ჯამი არის საბოლოო თანხა.

7.2. გადახდა ხდება საქართველოს ბანკის დაცულ გვერდზე. ბარათის მონაცემები საიტს არ გადაეცემა და საიტზე არ ინახება.

7.3. გადახდა ერთჯერადია — ვადის ბოლოს ავტომატური ჩამოჭრა არ ხდება, თუ მომხმარებელმა თავად არ ჩართო „ავტომატური განახლება“ (მისი გამორთვა ნებისმიერ დროს შეიძლება). ვადის გასვლის შემდეგ ფასიანი ფუნქციები იკეტება, სანამ მომხმარებელი თავად არ გაახანგრძლივებს.

7.4. ადრე შეძენილი სამუდამო ლიცენზია (ახლა აღარ იყიდება) მოქმედებს მომხმარებლის ანგარიშზე საიტის არსებობის მთელი პერიოდის განმავლობაში და მოიცავს საიტის განახლებებს. ის არ გადაეცემა სხვა პირს. ანგარიშის წაშლით ან პირობების დარღვევის გამო ანგარიშის შეჩერებით ლიცენზია უქმდება.

7.5. უფასო საცდელი პერიოდი (7 დღე) ერთ ანგარიშზე ერთხელ ჩაირთვება და ავტომატურად მთავრდება; ბარათის მონაცემები არ მოითხოვება.

7.6. უარის თქმის უფლება. ციფრული სერვისი ირთვება გადახდისთანავე. გადახდამდე მომხმარებელი გამოხატავს წინასწარ თანხმობას სერვისის დაუყოვნებლივ მიწოდებაზე და ადასტურებს, რომ აცნობიერებს: სერვისის ჩართვის შემდეგ ის კარგავს დისტანციური ხელშეკრულებიდან 14-დღიან უარის თქმის უფლებას, კანონით დაშვებულ ფარგლებში.

7.7. თუ გადახდა ჩამოიჭრა, მაგრამ პაკეტი ტექნიკური ხარვეზის გამო არ ჩაირთო, ან ორჯერ ჩამოიჭრა, მოგვწერე balistikasupport@gmail.com-ზე. ასეთ შემთხვევაში ან ჩავრთავთ პაკეტს, ან თანხას სრულად დავაბრუნებთ იმავე ბარათზე, ბანკის ვადებში.

7.8. ფასიანი პაკეტი არ ცვლის ამ პირობების არცერთ დებულებას და არ ზრდის ოპერატორის პასუხისმგებლობას გამოთვლების შედეგზე ან მომხმარებლის ქმედებებზე.

7.9. iPhone-ის აპლიკაციაში ყიდვა (Apple). iPhone-ის აპლიკაციაში პაკეტი იყიდება მხოლოდ Apple-ის გადახდის სისტემით (App Store) და თანხა ჩამოიჭრება მომხმარებლის Apple ანგარიშიდან; ამ შემთხვევაში 7.2–7.3 და 7.6 პუნქტების ნაცვლად მოქმედებს Apple-ის პირობები. თვიური და წლიური გამოწერა ავტომატურად განახლდება იმავე ფასად, თუ მომხმარებელი მას მიმდინარე პერიოდის დასრულებამდე არანაკლებ 24 საათით ადრე არ გააუქმებს; გაუქმება და მართვა ხდება iPhone-ის პარამეტრებში (Apple ანგარიში → გამოწერები). თანხის დაბრუნებას განიხილავს Apple (reportaproblem.apple.com). Apple-ით ნაყიდი პაკეტი მიებმება მომხმარებლის balistika.ge ანგარიშს და მოქმედებს საიტზეც. Apple-ის სტანდარტული სალიცენზიო პირობები: apple.com/legal/…/stdeula.

8. ანგარიში და თანხმობის აღრიცხვა

8.1. მომხმარებელი პასუხისმგებელია თავისი ანგარიშის მონაცემების უსაფრთხოებაზე. პირობების დარღვევისას ანგარიში შეიძლება შეჩერდეს ან წაიშალოს.

8.2. თანხმობის მომენტში საიტი ინახავს პირობების ვერსიას, თარიღსა და IP მისამართს — თანხმობის დასადასტურებლად, „პერსონალურ მონაცემთა დაცვის შესახებ“ საქართველოს კანონის შესაბამისად. იხ. კონფიდენციალურობის პოლიტიკა.

9. მომხმარებლის მიერ ატვირთული შინაარსი (კლუბი)

9.1. მომხმარებელი პასუხისმგებელია მის მიერ ატვირთულ და გაზიარებულ ფოტოზე, ვიდეოზე, ტექსტსა და კომენტარზე და ადასტურებს, რომ აქვს მისი გამოქვეყნების უფლება.

9.2. აკრძალულია: ადამიანებზე ან ადამიანისკენ მიმართული იარაღის, ძალადობის, უკანონო ნადირობის, აკრძალული ან წითელ ნუსხაში შეტანილი სახეობის, იარაღით სახიფათო მოპყრობის, 18 წლამდე პირის მიერ იარაღის გამოყენების, სხვისი პერსონალური მონაცემების, შეურაცხმყოფელი, სიძულვილის ენის ან იარაღის/საბრძოლო მასალის ყიდვა-გაყიდვის შეთავაზების შემცველი შინაარსის გამოქვეყნება.

9.3. ოპერატორი არ ამოწმებს შინაარსს წინასწარ, მაგრამ ნებისმიერ პოსტზე შეიძლება შეტყობინება 🚩 ღილაკით ან მეილით. ოპერატორი შეტყობინებას განიხილავს 24 საათის განმავლობაში და წესების დამრღვევ შინაარსს წაშლის, ხოლო დამრღვევ მომხმარებელს ანგარიშს შეუჩერებს. საჯარო სივრცეში შეურაცხმყოფელი ან აკრძალული შინაარსის მიმართ ტოლერანტობა ნულოვანია. მომხმარებელს ასევე შეუძლია დაბლოკოს სხვა ავტორი — მისი პოსტები აღარ გამოუჩნდება.

9.4. შინაარსის გამოქვეყნებით მომხმარებელი ოპერატორს აძლევს უსასყიდლო, არაექსკლუზიურ უფლებას, აჩვენოს ეს შინაარსი საიტზე, სანამ მომხმარებელი მას არ წაშლის.

10. ინტელექტუალური საკუთრება

10.1. საიტის დიზაინი, კოდი, ტექსტები და გამოსახულებები ეკუთვნის ოპერატორს ან გამოიყენება ლიცენზიით; მათი კოპირება ნებართვის გარეშე აკრძალულია.

10.2. იარაღის, ტყვიის, ოპტიკისა და ბადეების მწარმოებლების სახელები და სავაჭრო ნიშნები ეკუთვნის მათ მფლობელებს და მოხსენიებულია მხოლოდ თავსებადობის აღსანიშნავად. ბადეების გამოსახულებები არის საიტის მიერ შექმნილი მიახლოებითი სქემები. balistika.ge არ არის დაკავშირებული ამ მწარმოებლებთან და არ არის მათ მიერ მოწონებული ან დაფინანსებული.

11. ცვლილებები, მარეგულირებელი სამართალი, დავები

11.1. ოპერატორს შეუძლია შეცვალოს პირობები; ახალი ვერსიის გამოქვეყნებისას საიტი მომხმარებელს ხელახლა სთხოვს თანხმობას. უკვე გადახდილი პაკეტის პირობები მომხმარებლის საზიანოდ არ შეიცვლება.

11.2. პირობები რეგულირდება საქართველოს კანონმდებლობით. დავები წყდება მოლაპარაკებით, ხოლო შეთანხმების მიუღწევლობისას — საქართველოს საერთო სასამართლოებში.

11.3. ოპერატორი არ აგებს პასუხს ვალდებულების შეუსრულებლობაზე, რომელიც გამოწვეულია მისი კონტროლის მიღმა არსებული გარემოებით (ფორს-მაჟორი: ჰოსტინგის, ბანკის ან ინტერნეტის გათიშვა, სტიქია და სხვ.).

11.4. თუ რომელიმე დებულება ბათილად იქნება ცნობილი, დანარჩენი დებულებები ძალაში რჩება.

12. კონტაქტი

balistikasupport@gmail.com

გაუზიარე მეგობრებს:FacebookMessengerWhatsAppViberTelegram